Fiat

Fiat se beroemde klein stadsmotor met reuse karakter, gehalte ingenieurswese, en 7 lugsakke.

Slim verpakking en ontwerp gee die 500 baie goeie dinamiese bestuursgevoel, selfs teen hoe snelhede. Sonder om enige van daai ratse binnestad bestuursvermoë in te boet.

Klein 9.3m draaisirkel maak dit spotmaklik om ‘n 500 in die nouste ondergrondse parkeergarage te parkeer.

Oorspronklik en kunstige bakvorm en ontwerp sal nooit sal verouder nie en die gehalte bestuurservaring maak ‘n 500 meer pret om te besit as voertuie wat driemaal die prys is. Veral as jy daagliks moet middestad toe pendel, waar die 500 se klein afmetings van groot voordeel is.

Twee enjinkeuses, maar die ene om te hê is die 875cc turbopetrol. Hierdie twee silinder enjins maak goeie syfers (62kW/145Nm) en verloor geen krag op die hoëveld nie. Met 500 se liggewig ontwerp, is versneller reaksie verbasend goed vir so ‘n klein voertuig.

As jy langtermyn 500 eienaarskap oorweeg, is die lae silindertelling ook ‘n voordeel. Met twee pleks van vier-silinders, is daar die helfte soveel kleppe en ander meganiese slytasie onderdele om in die enjin te vervang, oor die langduur.

Lae verkope beteken dat die verskaffingsketting van 500 ondele klein is, met onderdele wat duur kan wees. Maar daar is ook die voordeel dat 500 ‘n voertuig met baie karakter is, wat amper geen kaping of diefstalrisiko het nie.

Die beste koop is ‘n 0.9l Club in die helderste kleur wat jy kan kies. Vermy die kabriolet weergawes met hul sagte dak seile.