Renault

Met Clio se uittrede, is hierdie nou die egte Renault vir Suid Afrikaanse gesinsmotor kopers. 

Captur het laat in 2025 ‘n vernuwing gehad. Bakvorm en ontwerp is suiwer Frans, en lyk beter as meeste Sjinese of Asiatiese mededingers. Binneruim is tipies Renault, met goedkoop afwerking, maar slim uitleg, en ‘n 10.4-duim tikskerm inligting en vermaakstelsel. Digitale vermoë en skakeling met jou slimfoon is sorgloos.

Franse ontwerpers weet hoe om baie ruimte in klein voertuie te skep. En die Captur het ‘n reuse laairuimte. Agtersitplekke kan 160mm vorentoe skuif, wat die laairuimte 616-liter maak. As vergelyking, dit is slegs 15% kleiner as die Fortuner, wat ‘n baie groter voertuig is.

Captur word in Spanje gebou en is ‘n egte Europese Renault, nie soos die Kwid, wat in Indië gemaak word nie. Dit beteken uitstekende ritgehalte en hoësnelheid stabiliteit wat jou sou verwag van ‘n Renault.

Enjin en ratkas keuses is ‘n gemengde saak. Captur se 1.3 turbopetrol enjin maak netjiese syfers: 113kW en 270Nm. Snelweg verrigting is goed op die hoëveld, maar brandstofverbruik is hoog.

Die probleem is dat daar slegs een ratkas keuse is: ‘n 7-spoed dubbelkoppelaar. Hierdie ratkaste skakel flink, maar hulle kan lelike koppelaar slytasie opdoen as jy daagliks in druk verkeer, teen kruipspoed bestuur.

Captur is duur in vergelyking met Sjinese kruisvoertuie. Maar bied ‘n baie beter bestuurservaring. Beste koop? Die intreevlak Techno weergawe, wat op 17-duim wiele met 215/60 bande loop, wat die beste ritgehalte het op Suid Afrikaanse paaie.

Franse grondpad model wat Renault se beeld in Suid Afrika herstel het.

Vir baie Suid Afrikaners wat ‘n grondpad toer voertuig soek, maar nie die swak snelweg verrigting  of lae veiligheid van ‘n Jimny wou hê nie, was Duster altyd die oplossing.

Die jongste Duster is ‘n baie moderne ontwerp. Maar van die grondpadvermoë wat hierdie Franse voertuie so gewild onder Suid Afrikaners gemaak het, het verwaag met die nuwe weergawe.

Jy kry steeds ‘n volgrootte noodwiel, en baie goeie veiligheidskenmerke, met ses lugsakke en elektroniese stabiliteitbeheer.

Eerste probleem is wielgrootes. Jy kan slegs kies tussen 17- of 18-duim wiele, pleks van die vorige geslag Duster se kleiner 16-duim wiele, het baie groter bande toegelaat, wat meer kloukrag en sagter ritgehalte bied op sinkplaat grondpaaie.

Maar verreweg die grootste teleurstelling met nuwe Duster, is die gebrek aan ‘n diesel enjin. Renault se 1.5 turbodiesel in die vorige geslag Duster was bekend vir ongelooflik lae diesel verbruik, en sterk verbysteekvermoë op die snelweg.

Die enjin keuses is nou ‘n 1.3 turbopetrol, wat goeie verrigting op die hoëveld bied met 113kW. Of ‘n 1.2 hibried petrol, met 230Nm, in die Duster vierwieltrek. Maar nie een van hierdie enjins is beter as die ou Duster se 1.5 turbodiesel nie.

Die vierwieltrek Duster het 217mm grondvryhoogte, wat netjies is. Maar die 1.2 hibried petrol is ʼn probleem. Die Duster se vierwieltrek stelsel en kloubeheer is te beperkend. Dit laat eenvoudig nie genoeg  enjinkrag of wielglip vir sand-ry of ligte veldry roetes nie.

Duster is nou meer van ‘n stedelike kruisvoertuig as die geliefde grondpad avontuur winskoop wat dit was.

Oulike winskoop gesinsmotor van Renault.

Kiger is een van die Renault modelle wat ontwerp is vir ontluikende markte soos Suid-Afrika, nie Europa nie. Bestuurservaring is nie soos ‘n ware Franse Renault nie, maar Kiger het redelik selfvertoue op grondpaaie, vanweë die 206mm grondvryhoogte.

Anders as baie ander voertuie wat in Indië gebou word, het Kiger redelik goeie botsingsveiligheid. In botsingtoetse, is die Kiger se struktuur baie stabiel.

Renault het Kiger verfraai met ‘n nuwe ontwerp in laat 2025 en onder die blink voorkoms is baie ruimte. Die agtersitplekke het oorgenoeg plek vir gemaklike langpad ure vir passasiers. Daar is ook 405-liter bagasieruimte, wat besonder groot is vir so ‘n klein voertuig.

Kiger is swakplek is die enjin. Renault se 1-liter 3-silinder enjin is baie betroubaar, omdat dit nie ‘n turboaanjaer het nie. Maar dit maak baie min krag. Op die hoëveld is Kiger se 53kW net nie genoeg vir ‘n volgelaaide voertuig nie.

Die Renault wat Franse nie kan koop nie.

Kwid mag dalk ‘n Renault kenteken hê, maar dit is ontwerp vir ontluikende markte met swak paaie. Dit is ook hoekom dit in Indië gebou word. En die veiligheidskenmerke is so laag, dat Renault nie die Kwid in Europa mag verkoop nie...

Die bakvorms is oulik en 279-liter bagasieruimte is nie te versmaai in so ʼn klein voertuig nie. Binne is daar op alle modelle behalwe die intreevlak model ‘n 8-duim tikskerm inligting en vermaakstelsel binne, wat moeiteloos met jou Slimfoon saamwerk.

Maar Kwid bestuur niks soos die erfenis van gehalte Renault klein voertuie soos Clio of Twingo nie. Dit is raserig en onverfyn. Bygesê, die Kwid het 180mm se grondvryhoogte, so as jy ‘n slaggat trap of bietjie grondpad moet ry, is dit skaflik.

Kwid se 1-liter 3-silinder enjin het slegs 50kW, so enige snelweg roete is maar ‘n gesukkel op die hoëveld.

Die grootste kwessie met Kwid, is veiligheid. Daar is wel twee voorste lugsakke en sluitweerremme, maar geen elektroniese stabiliteitbeheer nie. En omdat Kwid in Indië gebou word, is die strukturele botsingveiligheid besonder swak, met slegs ‘n 1-ster gradering in GNCAP toetse.

Soos Duster, het Sandero naam gemaak vir Renault in Suid Afrika

Die geharde luikrig het in 2022 uit die mark getree, maar daar is nog volop gebruikte Sanderos om van te koop. Hierdie luikrûe het besonder goeie grondpadvermoë en kan sonder moeite op swak padoppervlaktes klaarkom.

Van die ouer Sanderos, net die baie betroubare 1.6-liter enjin, het baie hoe myle. Maar omdat hierdie voertuie ‘n tweeling van die Nissan NP200 bakkie is, is daar ook volop plaaslike onderdele vir nadiens en tegniese instandhouding.

Renault laaste geslag Sanderos wat tot en met 2022 plaaslike verkop is, het ‘n klein 0.9-liter turbopetrol gehad. Nie lig op brandstof nie. Maar met 66kW en 135Nm, was verrigting skaflik, veral op die hoëveld, waar daai turboaanjaer help om te kragverlies te verminder.

Beste koop? Soek ‘n Stepway weergawe. Hoekom? Die Stepway het 193mm grondvryhoogte, was dit beter grondpadvermoë gee as amper enige ander luikrug.